Angiozartar ugari, 20:00etan, Jose Angel Mikeo auzo-alkateak San Migel noiz zeruratuko zain. Izan ere, jaietako ekitaldi bereziena egin zuten, eta soka askatu eta berehala egin zuen gora panpinak. Han zeuden guztiak, gora begira. Hasieran, mendebalerantz hartu zuen, gero iparralderantz... Iaz Zaragoza aldean agertu zen; ea aurten zenbat kilometro egiten dituen. Puzgarriak, txokolate-jana, briska txapelketa... denetik izan zuten atzo, eta baita aurreko egunetan ere.
Zapatuan kantu bazkaria egin zuten San Migel jaiak ospatzeko. Trikitiak eta panderoak lagunduta, eztarrien erakustaldirako, abesti sorta luzea izan zuten abesteko auzotarrek. Bazkalostean mus txapelketa eta musika izan zuten zapatuan.
Jaiak atzo amaitu zituzten, San Migelen zeruratzearekin.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.