Bergarako Udalak, Bergarako Kirol Elkarteak, Dordoka taldeak eta Jardun elkarteak elkarrekin prestatu dute Kirola Kalera egitasmoa.
Bergarako Udal Kirol Zerbitzuak apirilean datozen hiru urtetarako onartu zuen plan estrategikoaren barruan sartzen da egitasmoa. "Herritarrei erakutsi nahi diegu zein den Bergaran dagoen jarduera fisiko eta kirol ekintzen aukera zabala eta herritar guztiak gonbidatzen ditut parte hartzera. Gure bizitzan kirola txerta dezagun", adierazi zuen Lauri Azkargortak, Kirol zinegotzia, aurkezpenean.
Domeka izango bada ere egun handia, egitarauak gaur arratsalderako ere jasotzen du zer edo zer:
- 17:15-20:00 Igeriketa: 8 urtetik beherakoentzat, Agorrosinen.
- 19:30 Hitzaldia: Zure bihotza zaintzea, Agorrosinen.
Hiru gune domekan
Seminarioan:
10:00 - 12:30
Eskubaloia
Saskibaloia
Boccia
Eskalada
Kirol egokitua
Herri kirolak
Atletismoa
Hockey-a
Ibargarain:
10:00 - 12:30
Boleibol
Badminton
Gimnasia erritmikoa. Erakustaldia eta makilaje tailerra
Esku pilota
Bizikleta jolasak eta konponketa tailerra
Udal pilotalekua:
10:00 Txirrinda eta Zumba
10:45 Txirrinda eta Bosu
11:30 Txirrinda eta Zumba
12:15 Body balanze eta pilates
Mendi irteera eta lasterketa
Familian, koadrilan, egiteko bi ekitaldi ere antolatu dituzte. Bihar –zapatua–, mendi irteera egingo dute gazte eta familiendako, gerriko berdeari itzulia emanez; 10:00etan abiatuko dira Agorrosindik. Domekan, bestalde, Euskaraz bizi nahi dut herri lasterketa egingo dute, 13:00etan San Martin plazatik abiatuta.