Bergarako seminarioan Labegaraietako kiroldegian zegoen estalkia jarri dute. Seminarioko gunea, jolasgune eta kultura ekintzak egiteko toki bezala berreskuratu nahi dute hala.
Karpa asteburu honetan estreinatuko dute DJ jaialdiarekin. Zehazki, Bergarako elektronika topaketen lehen edizioa egingo da asteburuan. Elektronika topaketetan izango dira, besteak beste: Makala, Kino internacional, Korrupted brothers eta Munlet. Musika elektronikoaz gain, binilo salmenta, proiekzioak eta musika tailerrak ere egingo dira. Festibala hiru tokitan banatuko da: Zabaotegi aretoan, Seminarioko karpan eta Bergarako gaztetxean. Kogollo Party Krew ibili da antolakuntza lanetan eta adierazi dute Euskal Herri mailan lehendabizikoz egingo dela horrelako jaialdi bat. Egitaraua eta informazio gehiago hemen.