'Peter Pan' Iruñeko Baluarten ere

Bergarako Musika Eskolaren Peter Pan euskarazko musikalak Iruñera ere egingo du hegan. Baluarte aretoan ikus ahal izango da urtarrilaren 3an, egubakoitza. Aurretik, baina, Donostiako Kursaalen eskainiko dute, urriaren 26an, zapatuan. Bi emanaldi izango dira: 16:30ean eta 19:30ean. Sarrerak dagoeneko eros daitezke, 20, 15 eta 10 euroren truke.

Azkeneko Gabonetan Bergaran estreinatu zuten eta, herrian bezala, egun batzuk beranduago, Elgetan ere arrakasta handia lortu zuen musikalak. Uda partean, ostera, Bilboko Itsas Musoean eta Elorrioko Musikairen ere izan ziren. Hurrengo geltokiak, hortaz, Kursaalen (Donostia) eta Baluarten (Iruñea) izango dituzte. 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.