19:00ak inguruan izan zen gertaera. Ordu horretan, Bergarako enpresa batean lapurtzen saiatu zirela jakinarazi zioten Ertzaintzari.
Segurtasun-zaintzaileak ertzainei jakinarazi zienez, enpresako teilatuan hiru gizabanako ikusi zituen, leihoetatik begira, “metal-hondakinen gunean sartzeko” eta, segurtasun-zaintzailea oihuka hasi zitzaienean, ihes egin zuten, zain zuten furgoneta batean; laugarren lagun bat zain zuten, beraz.
Lapurrek erabilitako ibilgailuari buruzko xehetasunak bildu zituzten ertzainek eta, zaintzailearekin hitz egiten ari zirela, gazte batek haiengana jo zuen eta jakinarazi zien enpresako izkina batean giltzatuta zuen bizikleta lapurtu ziotela.
Handik gutxira, ertzainek furgoneta bat atzeman zuten, San Prudentzio biribilgunean; barruan lapurtutako bizikleta aurkitu zuten, baita delituak egiteko erabilitako hainbat tresna ere. Hori ikusita, furgonetan zeuden lau gizabanakoak atxilotu zituzten, bizikletaren ebasketan eta enpresan lapurtzeko ahaleginean ustez parte hartzea egotzita.