Bergarako Udalaren 2014ko egutegia argazkiz hornitzeko lehiaketak aldaketak izan ditu. Argazkien gaia librea izango da, eta lanak entregatzeko epea luzatu dute; azken eguna urriaren 2 izango da, modu horretan.
Bergarako Udalaren 2014ko egutegirako argazkiak hautatzeko lehiaketak aldaketak izan ditu. Batetik gaia aldatu dutela eman dute aditzera Euskara batzordetik: "Hasieran industriari buruzkoak izatea erabaki zen baina horretarako zailtasunak antzeman direnez, gaia libre uztea erabaki dugu". Modu horretan, Bergarako edozein gairi buruzkoak aurkeztu ahal izango dituzte parte hartzaileek.
Bestetik, lehiaketak izan duen bigarren aldaketa argazkiak aurkezteko epean oinarritzen da. "Astebete luzatuko da, eta ondorioz, urriaren 2a izango da horretarako azken eguna". Lanak Udaleko Euskara Zerbitzura eraman beharko dira.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak