Bonba japoniarrek eztandak apurtu zuen siesta amaierako isiltasuna. Ordurako etxeko txikiek plaza betetzen zuten eta bonben oparien zain zeuden. Ke artean, batera eta bestera opariak hartzeko korrika ibili ostean, buruhandi, erraldoi eta kilikien txanda iritsi zen.
Hauek emanaldia plazan bertan hasi zuten, eta erraldoiek dantza egiten zuten bitartean, buruhandiek gaztetxoak zirikatzen zituzten. Gaitero eta txistularien laguntzarekin herriko konpartsak Bergarako erdigunea zeharkatu zuen txoko guztiak alaituz.
Larrain dantzan jende gutxi
Arrasateko gaiteroak eta A.M band-a gogotik saiatu arren, ez zituen dantzari gehiegi erakarri. Larrain dantzak aurrera egin ahala, zenbait bikote batu ziren eta azkenean bost bat bikotek egin zuten dantza. "Hitzordu berria izan da eta akaso horregatik jendea ez da animatu" zioen musikari batek. Hala ere dantzariek gogotik disfrutatu zuten. Jendea dantza egitera animatu ez arren, plazan zeudenak, musika banda txalo zaparrada handi batekin agurtu zituen.