Datorren astean barrena, kalera aterako dute Agorrosingo ludoteka. Hilaren 17tik 20ra bitartean Munibe plazan egongo dira Jarduneko begiraleak ludotekarekin, 17:00etatik 19:00etara, bertan eskaintzen dituzten zerbitzuak ezagutzera emateko asmoarekin.
Jolasak eta tailerrak egongo dira
Lau egun horietan askotariko ekintzak egingo dituzte: hilaren 17an, kareta eta antifazen tailerra; hilaren 18an, hainbat jolas; hilaren 19an, txapa tailerra eta jolasak; eta hilaren 20an, berriz, aurpegia margotzeko aukera izango dute bertaratzen diren ume guztiek.