Goizean, 10:00etan hasi eta 14:00ak bitartean taldekako Bergara Hiria torneoa jokatuko dute: Euskal Herri mailako talde onentsuenak izango dira, tartean Sestao eta Gros moduko taldeak.
Kanpokoak ere bai
Euskal Herriko xakelariez batera, kanpoko ordezkaritza ere izango da torneoan, Asturias, Kantabria, Gaztela Leon edo Aragoiko taldeak ere izango direlako Bergaran. Eta noski, horien kontra Bergarako Atletiko Zaleak taldekoak lehiatuko dira: "Gure xakelariei ez diegu eskatuko aurrean ibiltzea [Barre], gu xake-zaleak baino ez garelako, ez xakelari profesionalak, baina ea Bergarako ordezkariek lan txukuna egiten duten".
Maisuak, atsaldean
Bazkalostean, 16:00etatik 21:00ak bitartean Nazioarteko Xake Txapelketa jokatuko dute; hor, Euskal Herrikoekin batera nazioarteko maisuak ere lehiatuko dira: "Strikovic edota Alejandro Hoffman moduko nazioarteko maisuak izango dira, eta eurekin lehian Euskal Herriko Iñigo Argandoña edota David Astasio moduko xakelariak. Maila oso oneko jendea izango da".