Auzolanean egindako obren bedeinkapena 11:30ean egingo dute, mezaren ostean. San Matei eguna ospatzeko beste ekintza batzuk ere antolatu dituzte domekarako: eguerdian txistorra eta ardoa banatuko dituzte, trikitilariek giroa alaitzen duten bitartean eta bola jokua izango da ondoren.
Ospakizunari amaiera emateko, auzo bazkaria egingo dute 14:00etatik aurrera.
San Emeteri eta Zeledonioren ermita
San Emeteri eta Zeledonioren ermita da San Matei. Bergaratik Elgetarako bidean, Uberan sartu bezain pronto ezkerreko bidea hartu eta handik 300 bat metrora dago, Etxeberriaundia (Santikua) baserriaren ondoan.
Oinarri karratua dauka, lau isuritako teilatua, eliza barruan gela handia, apaingarri gutxikoa: hormak margotuak, porlanezko lurra, eta erretaula. Sabaizun sapaia eta egurrezko habeak.
Sarreran egurrezko atea, eta aurrealdeko horma guztian egurrezko hesia, beraz, barrua begibistan dago. Guzti hau arkupe baten babesean.