Errotalde parkeak atzo, normalean baino bisitari gehiago jaso zituen. Txiki zein nagusi, haur zein heldu Txan magoa Amelingo txirularia izango balitz bezala, jende ugari batu zen bertan.Denboraz estu hasi bazen ere, magoak berehala bereganatu zituen bergararrak eta behin baino gehiagotan aho zabalik utzi zituen.
Karta jokoak, koloretako zapiak, joko ezinezkoak... Artxila-murtxila hitzek magia sortzen dutela argi geratu zen eta txalo zaparrada ederra jaso zuen Txanek. Ikuskizunak iraun zuen bitartean magiak soilik sortzen duen atmosfera berezi horretan murgildu ziren ikusle guztiak.
Argi dago magia kontuetan adina gutxienekoa dela. Izan ere, horrelako ikuskizunek guztiok barruan dugun haur kuriosoa azaleratzen dute-eta.