Poliziak emandako xehetasunen arabera, hezetasunak edo intsektuak daudela ikuskatzeko aitzakiarekin, etxebizitzako hainbat geletara sartzen dira lapurrak; aldez aurretik adierazten dute etxe barrutik bertatik (komunitatetik) jaso dutela etxebizitzak ikuskatzera joateko eskaera.
Behin etxebizitza barruan daudela, hainbat neurketa egiten dituzte, lanean egongo balira moduan, eta biktimen deskuidoa aprobetxatzen dute bitxiak zein tamaina txikiko gauza baliotsuak lapurtzeko.
Bergaraz gainera, Urola Kostan ere atzeman dute lapurretan egiteko modus operandi berri hori. 40 bat urte dituzten azal zuriko bi gizonezko dira susmagarriak.
Edozein zalantza, deitu 112ra
Gauzak horrela, kontu handiarekin ibiltzeko gomendatu gura die Ertzaintzak bizilagunei; auzokoak ez diren pertsonak zaintzeko; ezezagunei edo norbere identitatea egiazta ezin dezaketenei etxe barrura sartzea galarazteko, eta edozein zalantza izanez gero, 112 telefonora deitzeko.