Matxiategiko plazatxoak, konpontzen

Ubane Madera 2013ko abu. 2a, 11:34

Obretan dihardute Matxiategiko kaleko plazatxoetan, farmaziako espaloi aldean dauden plazatxoetan, alegia. Erdiko plazatxoa hesiarekin inguratu, bertako galtzada-harriak banan-banan kendu, garbitu, eta atzera ere jartzen dihardute, orain artekoak baino apurtxo bat altuago. Gauza bera egingo dute aparkalekutik gertuen dagoen plazatxoarekin. Helburua da Gorosti loradendaren ondoan dagoen plazatxoa moduan lagatzea gainontzeko biak.

Izan ere, plazatxo haietako galtzada-harriak harearekin daude jarrita; eta euria egiten duenean, euri-uriak barrura filtratzen dira, eta denborarekin galtzada harriak altxatu egin dira. Gauzak horrela, Gorosti loradendaren ondoan dagoen plazatxoarekin egin zuten konponketa bera egiten dihardute orain gainontzeko biekin: galtzada-harri zein loseta guztiak kendu, altuera apurtxo bat irabazi, ura barrutik kalterik eragin gabe pasa dadin, eta atzera ere jarri galtzada-harriak zein losetak (argazkian).

Zuhaitzak kenduta

Hain justu ere, erdiko plazatxoan dihardute egunotan lanean. Eta igerilekurantz begira jarrita, Matxiategi kalean dagoen azkeneko plazatxoan ere dagoeneko kendu dituzte zuhaitzak han ere konponketa bera egiteko. Udazken ingururako bukatuko dituzte bi plazatxoen konponketa.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak