Bergarako blues doinuak Donostiako Jazzaldian

Belceblues taldeak Heineken Jazzaldian kontzertua egin zuen atzo, domeka, bertako eta urrunagoko entzuleen aurrean. Horien artean debagoiendarrak ere baziren, gaueko freskotasunaz eta Belcebluesen erritmoez gozatzen. Horren lekuko da goizaldeko ordu txikietan Goienara bidalitako argazkia. Berorrek erakusten du Ibonen mutilek gogotsu jardun zutela Kursaalen terrazan, Jazzaldiaren azkeneko egunean.

Atsedenerako asti larregirik ez dute izan Belceblues taldeko kideek. Duela gutxi Memphisen egindako egonaldiaren dokumentala estreinatu ondoren, nazioarteko blues eta jazz hitzordu ezagunenetarikora eraman dute-eta euren musika oraingo asteburuan.

Agertoki berean izan ez arren, gainera, Elvis Costello & The Imposers, Diana Krall eta Jamie Cullum moduko artistekin bat egin dute bergararrek Heineken Jazzaldiaren egitarauan.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.