Gökmeydan Halkoyunlari taldea, 2004ean sortu zen, gazteak euren herrialdeko kulturan eta ohituretan hezteko; horiek galdu ez daitezen, ezinbestekoa delako datozen belaunaldiei erakustea.
Eskaintzen dituzten kantu eta dantzen sortan; Bitlis, Diyarbakir, Artvin, Kilis, Izmir, Skopje, Adiyaman, Urfa edo Trabzon-eko probintziatakoak daude.
Arrakasta handia Turkian
Hogei dantzari inguru eta bi musikarik sortzen dute taldea, eta Turkian antolatzen diren lehiaketetan emaitza onak lortu dituzte urte hauetan zehar. Jaialdiko beste ikuskizun batzuekin alderatuz, turkiarrenean, musikak protagonismo handia du, erritmo eta intentsitate aldaketa ugariz.
Beraz, martitzenean, Beningo dantzariak Arrasateko Monterron parkea kolorez eta dantzez girotu bazuten; gaurkoan, turkiarren eta bergararren txanda izango da, 19:00etan San Martin plazan.