Lokatzaren Tourreko porran aurten egin diren 510 apustuen artean Gorka Irazola 16 urteko gaztearena izan da puntu gehien eman dituena, 1.566; Moxkorra 1 taldeak egin du bigarren lau puntura, eta Igor Larrañaga izan da hirugarrena bostera, 1.561 punturekin. 1.530 euroko saria eraman du Larrañagak, 2.550ekoa bigarren sailkatu den taldeak eta Gorka Irazola irabazleak 5.100 euro poltsikoratu ditu.
Lokatzaren porran beste sari batzuk ere banatu zituzten. Zabala jatetxearen saria Aintzane Arizmendirentzat izan zen; etaparen batean gehienezko 100 puntuak eskuratu dituztenen artean Bolutarrak taldeari egokitu zitzaion saria, eta zozketatutako saskia, berriz, Aurten Bai 4 taldeari.