Eusko Jaurlaritzak joan den urtean atera zuen dekretuaren arabera, 1901 urtea baino lehen egin ziren eraikinak 2013a bukatu aurretik pasa behar dute ikuskapen teknikoa. Hori egiteko, pertsonal aditua kontratatu beharko dute eraikin horietako bizilagunek. 1901etik 1940ra bitarteko eraikinek 2014an egin beharko dute ikuskapen hori, eta 1940tik aurrerakoek, 2015ean. Horren aurrean, eta bizilagunei ahalik eta informazio gehien ematearen alde, bilerak egin dituzte udaletxean. Martitzean egingo dute hirugarrena eta azkena. Udaleko eta Suradesako ordezkariak egongo dira informazioa ematen.