"Kaosa, nire estudioan dagoen kaos bera", horrelaxe definitu du Unai Azkaratek Bergarako Aroztegi aretoan dagoeneko ikusgai dagoen erakusketa osatzen duten artelanen ezaugarri komuna. Aire zabaleko pinturak, aurten egin dituen eta Rugged sailean sailkatu dituen margolan batzuk, collage-ak, eskultura benetan bereziak... Guztiak jasotzen ditu erakusketak, eta abuztuaren 25ra arte egongo da ikusgai.
Inaugurazio ekitaldia berezia izan da gainera, izan ere, erakusketara joan direnen gozamenerako eta Azkaiter Pelox izenpean, kontzertua eskaini du Unai Azkaratek hainbat lagunen konpainiarekin.