Ura eta itsasoa; igerilekua eta surfa ardatz hartuta, Javier Soto margolari ordiziarrak Murgiltzea erakusketa ikusgai egon da aste guztian zehar. Erakusketa alaia, koloretsua eta freskagarria plazaratu du Bergarako Aroztegi aretoan. Akuarelarekin egindako obrak izan izan dira nagusi, koadro handi eta erakargarriak; artistaren arabera, gizakia naturarekin erlazionatzen duen bilduma.
Baikortasuna transmititzea
Soto ordiziarraren helburua, baikortasuna transmititzea da, eta horretarako, igerilekuan eta hondartzan bizitako momentuak irudikatu ditu. Bere esanetan, irudiak baina ez dira errealitatearen kopia huts bat, mezu bat dute.
Bergarar dezente hurbildu dira Sotoren erakusketa ikustera; eta margolanak ikusi ondoren, seguruenik freskoago irten dira bertatik.