Lucille neskato mexikarra txikitatik Mexikoko 60. eta 70. hamarkadako rock and rolarekin hezitua izan da. Orain dela urte batzuk, Madrilera etorri zen, eta modelo bezala dihardu. Hala ere, egun, rythm&soul talde indartsuaren lidergotza dauka. Beste musikari batzuekin The Lucilles osatu du. Taldearen osotasuna Aldo Cavaleiro musikariaren kolaborazioekin osatzen dute. Taldeak musika beltzaren izen handiei omenaldia egiten dio. Hala nola; Otis Redding, Aretha Franklin, James Brown, Etta James, Tina Turner, Sam Cooke, Jackie Wilson, etab. Gure garaiko soularen ahots handiak ere, miresten ditu- Josse Stone, Esperenza Spalding, Eli Reed eta Amy Winehouse handia-.
Lehen diskoaren aurkezpena
2013 urtearekin batera, Sweet Soul Music vol1 lehen diskoa aurkezten ari dira. Talde berria izan arren, Lucilleren ahotsak oihartzuna dauka Europan.
Berumuga jaialdiak musika beltzeko puntako taldeak ekarriko ditu Bergarara uztaila eta abuztua bitartean. Aurreko astean, Belceblues talde bergararrak estreinatu zuen jaialdia, eta Espoloiko aulki guztiak bete zituen. Gaur ere, The Lucilles taldeak ez du hutsik egingo.