Jendea batu zen txapelketaren bukaeraz gozatzeko; taldeetako jokalari eta lagunez gain, igerilekuan zirenak ere batu baitziren. Aurten ere 300 bat lagun aritu dira lehiaketan eta nabari zen hori. Nesketan, Rita la Pollerak 4-1 irabazi zion Las Heavys taldeari kadeteen mailan. Nagusietan, Kiutnesekoek penaltietan garaitu zituzten Pentosekoak. Mutiletan, kadeteetan, Citizen Devils taldea nagusitu zen Txupas Teen-en aura: 4-1. Nagusietan, zortziko futbolean, Oxintxuk irabazi zuen Irurak taldearen aurkako norgehiagoka. Bukatzeko, 11ko txapelketan, Oxinolakoek Indar Gorrikoak penaltietan garaitu zituzten: 4-3.
Batzarra kultura-etxean
Bergara Kirol Elkartearen urteko batzarra uztailaren 10ean, eguaztenean egingo dute Kultura-etxean. 18:30ean izango da lehen deialdia, eta bigarrena, 19:00etan.