Lizarrako dultzainariek, Zumarragako trikitilariek, Bergarako Udal Txistulari Bandak eta Incansables txarangakoek girotu zuten goiza San Martzialen. Adin guztietako jendea batu zen bertan, eta beste urte batez, San Martzialgo erromeriaz disfrutatu zuten bertaratutakoek.
Arratsaldean jarraitu zuen festak
Bergararrendako berezia izaten da San Martzial Eguna eta, behar bezala ospatzen hasi eta gero, arratsaldean festarekin jarraitzeko aukera izan zuten: umeentzako eta gaztetxoendako jolasak eta herri kirolak egon ziren, sokatira eta txinga eramate saioak, eta baita irrintzi txapelketa ere. Dantza saioa egin eta gero, iluntzean hartu zuten kalerako bidea, jaitsierako txupinazoa bota eta gero.
Herrirak zozketatutako urdaiazpikoa, bestalde, 736 zenbakidun txartelari egokitu zaio.