Guztira 120 lagunek eman zioten bizitza obrari Aitor Biain oñatiarraren gidaritzapean, eta San Pedro parrokiara hurbildutako 1.000 lagunen belarriek gustura entzun zuten Mozartek hil aurretik konposaturiko meza.
Zortzi hilabetez gogor lan egin ondoren, abesbatza eta orfeoiaren arteko elkar ulertzea erabatekoa izan da eta pasarte bakoitzari beharrezko intentsitatea eta gozotasuna eman zizkioten.
Oñatin argi laga zuten, eta atzo Bergaran berretsi egin zen. Bergarako Orfeoiak eta Oñatiko Abesbatzak asmatu egin dute proposamenarekin.