Elosua-Plazentzia estazio megalitikoa ezagutzeko hainbat ekintza antolatu ditu Bergarako Udalak, Debabarreneko Mankomunitatearekin eta Elgoibarko eta Soraluzeko udalekin batera. Horietako ekintza bat da, domekan egingo duten bisita gidatua.
Hiru ordu eta erdi inguruan egiten den bederatzi kilometroko ibilbidea da, Karakate gaineti, Irukurutzetarainokoa. Garai hartako bizimodua, indusketa arkeologikoen emaitzak eta bestelako ezagutzak bisitatzeko aukera eskainiko du bisita gidatu horrek. Irteera puntua izango da Karakateko aparkalekua, Soraluze, 10:00etan. Irailean, bestalde, haurrendako tailerrak egingo dituzte.