Sutea Bergarako Bidekurutzeta kalean

Bidekurutzeta kale erdi inguruan piztu da sua, zazpigarren zenbakian. Udaltzaingotik adierazi digutenez, 14:45 inguruan jaso dute abisua eta, 10 minutura, bertan ziren suhiltzaileak; lauzpabost kamioi bertaratu dira. Bizilagunak euren etxeetatik atera dituzte, eta bostak eta erdiak ingurura arte kalea itxita egon da. Kalte pertsonalik ez du eragin. Sutea izan duen eraikinak lau pisu ditu, eta inor bizi ez den azkenekoan piztu da sua, udaltzainek adierazi digutenez. Sua pisu horrtara mugatu da, baina azpiko bi pisuetan ura sartu da. Pisu horietako baten bizi den familia gaur bertan itzuliko da etxera, hirugarren pisuko emakumeak berriz, gaurko gaua senideen etxean emango du. Ezbeharrak baina, ez du kalte pertsonalik eragin.