29 txirrindulari aritu ziren zapatuan elite mailan Soraluce Sarian, Osintxun. Irene San Sebastian tolosarra –Bizkaia-Durango taldea– azkarrena izan baldin bazen, elkarrekin esprintean iritsi zen Lointek taldeko Belen Lopezek bigarren postua eskuratu zuen. Talde bereko Ana Usabiaga zertxobait beranduago heldu zen mugara 3. postua lortuz (02:25:05). Taldekako sailkapenean, Lointek izan zen onena.
Gaztetxoak ere esprintean
Kadeteetan 37 neska lehiatu ziren; horiek ere esprintean iritsi ziren helmugara. Ondorioz denbora berdina egin zuten aurreneko hiru txirrindulariek (00:52:40). Sailkapenari begiratuta, ostera, lehenengoa Rustic Levante taldeko Empar Felix izan zen; Villa del Prado C.U taldeko Rocio del Al Garcia bigarren iritsi zen helmugara; eta Guttrans taldeko Gloria Alvarez hirugarren. Kategoria bereko talderik onena, berriz, Ivre-Rustic Levante izan zen.
Baina zapatuan, gainera, gazte mailako txirrindulariek ere hartu zuten parte; 29 izan ziren guztira. Eta kadete mailan gertatu bezalaxe, esprintean erabaki ziren lasterketako hiru azkarrenak: Guttrans tadeko Alicia Gonzalez, Caf Transport taldeko Ziortza Isasi eta Gandia Capital del Turismoko Alba Teruelek denbora berdina egin zuten: 01:37:05. Taldekako 1.go postua, aldiz, Nicky´s Penya Ciclista taldearentzat izan zen.
Amaitzeko, Euskaldun Torneoko liderrek ere jantzi zuten mallota Osintxun: Naia Leonet Iruretak kadetetan, Lierni Lekuonak jubeniletan, Sheyla Gutierrezek 23 urte azpikoetan eta Belen Lopezek, elite mailan.