Mahai bakoitzaren alokairuak 20 euro balioko ditu eta eskatzaile bakoitzak ezingo ditu bost mahai baino gehiago eskatu. Eskatzaile bakoitzeko 100 euroko fidantza jarri beharko du eta egindako eskaerarekin agiri bat emango zaio; bertan, alokatutako materiala zein den jarriko du. Fidantza hori jasotzeko, mahaiak eta aulkiak alokatu dituztenak uztailaren 3tik 10era bitarteko astegunetan (biak barne) Kultur Etxera joan beharko dira, 18:00etatik 21:00ak bitartean.
Eskatzaile bakoitzak alokatzen duen mahai bakoitzeko, gehienez ere zortzi aulki eskatu ahal izango ditu. Mahaiak eta aulkiak hartzeko, ekainaren 29an 17:00etatik 20:00etara bitartean San Martzialgo kanparako sarrerara joan beharko da.
Materiala entregatzeko egin beharrekoa
San Martzialgo erromeriaren ondoren, alokatutako material guztia entregatzeko puntu konkretu bat jarriko da San Martzialen. Mahaiak eta aulkiak 19:00etatik 21:30ak arte entregatu ahal izango dira.Materiala entregatzen duenari Udaleko seilua jarriko zaio. Materialaren eskatzaile bakoitzak Kultur Etxean eskaera egiterakoan eman zitzaion orria eraman beharko du materiala entregatzerakoan, han jarriko diotelako seilua. Alokatutako aulkiak eta mahaiak hartutako egoera berean eta 19:00etatik 21:30era entregatzen ez dituenak ez du seilurik jasoko, eta ondorioz, fidantza galduko du. Gero Kultura etxean fidantza jasotzeko aukera izango du seilua duen orria entregatzen duenak.