Gaueko 22:45ak jota hasi zen Morau bakarlaria Bergarako gaztetxea girotzen. Gitarraren lehenengo akordeen ostean, "Inork ezingo du egia ukatu" hitzekin hasi zuen lehenengo abestia. Desamodio kantuak etorri ziren ondoren, nostalgiazkoak gero. Kantu intimistekin publikoa bereganatzea lortu zuen Morau bakarlariak.
Gero etorri zen Aguxtin Alkahat artistaren txanda. Ahots hauskor baina beti trinkoarekin, testu unibertsalak eta noizbehinka 70 urteetako US rocka ekarri zuen taula gainera. Ikus-etzuleak gustura egon ziren kontzertuan.
Egubakoitzak Kartzelan egitasmoko azkenak
Atzoko emanaldiak, aurtengo egitasmoko azkenak izan ziren. Ekaitz Aranberri antolatzaile taldekoak aurtengo balorazio "positiboa" egin zuen. Azaldu zuen hilabetean zehar geroz eta jende gehiago joan dela kontzertuetara; bai adinez zaharragoak eta baita gazteagoak ere. Agertokian bakarlariez gain, literatura musikatua eta musiko rockeroagoak ere izan direla, Euskal Herrian izena dutenak eta baita estatu mailakoak ere. Eta lehenengo eta azkenengo kontzertua izan ezik, beste guztiak gaztetxeko kanpoko aldeko agertokian eman dituztela eguraldiak lagundu duelako. Bergaran egitasmoak "bere izena irabazi" duela ere gaineratu zigun Aranberrik eta dagoeneko egubakoitzetako "plana" bihurtu dela ere esan zigun.