Taldeak gehienez, zazpi lagunez, eta gutxienez lau lagunez, osatuta egongo dira. Bestalde, parte hartzeko ez da mailaketa probarik egingo; hasiera batean, behintzat, izena ematen duen edonork parte hartzeko aukera izango du, hizkuntza maila edozein izanda ere.
Izenematea zabaltzear
Interesatuek zein hizkuntza praktikatu nahi duten eta zein egutegi eta ordutegi interesatzen zaizkien adierazi beharko dute, elkarrekin adosteko. Taldeak autonomoak izango dira, beraz, ez da irakaslerik egongo akatsak zuzentzeko ezta eztabaida bideratzeko ere. Dena den, taldeak astero arduradun bat izango du, hurrengo asterako eztabaidarako gai bat hautatu eta taldekideei aurkezteko. Hala, arduradunak gai horrekin lotutako hiztegi espezifikoa, esamoldeak… landuko ditu taldekideei aurkezpena egin ahal izateko.
Hizkuntza taldean parte hartzeko kultura etxera jo edo 943 77 91 60 zenbakira dei daiteke, maiatzaren 27tik ekainaren 5era arte. Ekainaren 10ean taldeen aurkezpen batzarra egingo dute, 18:30ean, Irizar jauregian.