Maiatzaren 15etik 19ra bitartean, Rotterdamgo Ahoy zirkuituan ospatuko den Shell Eco Marathon 2013 lehiaketan parte hartuko dute Miguel Altuna institutuko elektrizitateko ikasle eta irakasleek. Lehiaketa honetan 24 lurralde desberdinetako 200 talde inguruk hartuko dute parte, guztiak ere energi iturri ezberdinen eraginkortasunaren azterketan eta berrikuntzan ari direlarik: diesela, etanola, eguzki energia, hidrogenoa...
Miguel Altuna Institutuaren kasuan, Gasteizko Mendizabala institutuarekin batera landu duen kontsumo baxuko hidrogenozko bateria daraman ibilgailuarekin aurkeztuko dira.
Ibilgailua
Hidrogenozko Urban Concept erako ibilgailu honekin, 2011.en urtean 37km/KWh lortu zuten Alemanian jokatu zen lehiaketan. Pasa den urtean, hidrogenozko pilak haustura bat izan zuen eta ez zuen lortu klasifikatzea.
Aurten hainbat hobekuntza
Hori dela eta, aurtengo probarako ibilgailuari hainbat hobekuntza egiten ari dira diseinu eta funtzionalitate aldetik, ibilgailuaren hainbat hobetuz eta aldatuz: Gurpil mota desberdinak, hidrogenoaren sentsore zehatzagoa, txasis arinagoa, energia hobeto aprobetxatzeko suspentsio hobeagoak sartu, etb.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
