Hiru urteko etenaldiaren ondoren, Bergarako Udalak berriro ere antolatuko du film laburren lehiaketa

Aurtengoa lehiaketaren 5.edizioa honetan, bailarako edozein herritarrek parte hartu dezake, beti ere, lan bakarra aurkeztuta. Bakarka zein taldeka aurkeztuko dira lanak eta laburren gaia librea izango da. Laburrak ezingo ditu 15 minutu baino gehiago iraun eta ezingo dira aurreko ekitaldietan aurkeztutako lanak berriro ere aurkeztu. Lanak aurkezteko azken eguna irailaren 24a izango da eta Bergarako Kultura Etxean entregatu beharko dira 13:00ak baino lehen.

Bergarako Udalak bereganatuko ditu aurkeztutako lan guztiak eta ondorengo urteetan antola daitezkeen film laburren ekitaldietan proiektatzeko eskubidea izango du.

Emaimahaia eta saria

Epaimahaia nortzuk osatzen duten sari banaketa egunean jakinaraziko da, ordura arte, hauen izen-abizenak anonimatuan gordeko dira.
Sariei dagokienez, lan onenaren egileak 400 euroko saria jasoko du eta bigarren onenak 300 eurokoa. Sari bi hauetan bergararrik egon ezean, 150 euroko "bergarar onenari saria" banatuko da. Hala ere, esan beharra dago, antolatzaileek egoki ikusten badute kalitatezko lanik ez egoteagatik, sariak hutsik geldituko direla.

Lehiaketaren baldintzen xehetasun eta informazio gehiagorako jo www.bergara.net webgunera.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.