12 ikaslek hartu dute parte eta 24 kantu grabatu dituzte, tartean betiko kantuak –Oskorriren Gaztelugatxeko altxorra, Urdangarinen Badira hiru aste eta Esne Beltzaren Esne saltzailea, besteak beste–; instrumentalak; ahotsa dutenak eta ikasleek eurek sortutakoak.
Janaria Caritasera
Angiozarko trikitilari eta pandero-jole eskolako 12 ikaslek hartu dute parte diskoan. Bina kantu grabatu dituzte, eta horietatik erdiak eskainiko dituzte etziko emanaldian. Irekia izango da herritar guztiendako.
Gainera, aurkezpen ekitaldira doazen guztiek diskoa jasoko dute opari. Trukean, jakiak eroatea eskatzen duten antolatzaileek. "Ekimen berezia egin gura genuen. Guk diskoak oparituko ditugu, baina, trukean, jakiak eskatu nahi ditugu", diote.
Iraungitzen ez diren jakiak jasoko dituzte; besteak beste, galletak, esnea, kontserbak, pasta, arroza, lekaleak... Diskoaren aurkezpenean jasotzen den janari guztia Caritas elkartera eramango dute antolatzaileek.