Gaur goizean batzekoak ziren Udal Gobernuko ordezkariak Bergara Garbia herri plataformako kideekin hondakinen kudeaketaren inguruko eztabaidaren gainean hitz egiteko. Bada Udal Gobernuak jakinarazi du bilera atzeratu egin dela eta gaineratu dute Gobernuaren asmoa Bergara Garbiarekin batera, udalbatzako alderdi guztiekin eta Bergara Zero Zaborrekin batzea dela. "Bilera horretan hausnarketa serio baterako oinarriak adostu beharko genituzke eta horretarako orain artean hondakinen gaian egindako kudeaketa guztia hartu beharko dugu kontuan, baita egindako hainbat esleipen ere", azaldu dute prentsa ohar baten bidez.
Udal Gobernuak pasa den astelehenean egindako ohiko osoko bilkuran luzatu zien EAJ eta PSE-EEri hondakinen kudeaketaren gainean hitz egiteko mahaiaren bueltan esertzeko gonbidapena. PSE-EEk ez zuen erantzunik eman momentuan eta jeltzaleek berriz, Gobernuari eskatu zioten proposamena idatziz bidaltzeko bilera horretan parte hartu edo ez erabakitzeko.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.