Bergarar guztientzat zabaldu dituzte ateak gaur, bigarren aldiz, Erraldoien konpartsakoek. Gaurkoan arazo batzuk tarteko, nahi baino erraldoi gutxiago egon direla esan digu Zigor Uleirok. Mikel Ibarzabal bergararra, jaietarako bi erraldoi berri egiten ari da, Elhuyar anaietan, Bergararen historiaren parte izan diren zientzialariak, oinarrituriko bi erraldoi. Baina gaurkoan aurkezteko denbora nahikorik ez denez egon, jaiak heldu arte itxaron beharko dute bergararrek bi erraldoi berriak ikusteko.
Hala ere, umeen harrobia eta erraldoiekiko zaletasuna bultzatzeko ekintza onak direla aitortu digu. Dagoeneko belaunaldi aldaketa gertuago ikusten dute eta aurten egingo dituzten erraldoi txiki berriekin, gazteak erraldoien taldean parte hartzera animatzea espero dute.