Partidu kaskarra izan zen zapatukoa, gauza ezer gutxi gertatu ziren 90 minutuetan, nahiz eta bi tolosar kanporatuak izan ziren 70 eta 89.minutuetan.
Denboraldia amaitzeko gutxi falta da, eta etxekoek ez dute ezer irabazteko zein galtzeko, hortaz, motibazio gutxirekin daude jokalariak, tentsioa mantentzen saiatu beharko dira Mahoneroak, azken partidutan irudi ona ematea nahi badute behintzat.
Asteburuko partiduen ostean, sailkapenak nahiko berdin jarraitzen du. Izan ere, lehen bi postuetan dauden taldeek, Oiartzun eta Hernanik, lanak ongi egin eta euren partiduak irabazi dituzte. Hala, Oiartzunek lider izaten jarraitzen du 69 punturekin eta Hernanik bigarren postua mantentzen du 67 punturekin.
Bergarako taldeak lasaitasun postuetan jarraitzen du. Hurrengo partidua Real Unionen aurka izango du. Irundarrak hirugarren postuan daude.