Txopo jasotzearekin, kanpai hotsekin eta etxafuegoekin, 18:00etan, hasiko dira gaur Elorregi auzoan San Prudentzio jaiak. Parrandarekin gero, auzoko elkartean jarraituko dute. Han lagun arteko afaria egingo dute-eta.
Zapatuan ez da biharamunerako tokirik izango. 14:00etan auzoko bazkaria egingo dute Alkartasuna elkartean eta ondo girotutako bazkaria izango da gainera; bertsolariak eta trikitilariak egongo dira. Zapatu gauean, bestetik, dantzarako aukera ere izango da elkartean bertan: 22:30ean erromeria hasiko da.
Domekan 13:00etan meza egongo da eta Alai taldeak abestuko du bertan. Ondoren pilota partiduak egongo dira auzoko pilotalekuan. Salda eta txorizoa ere banatuko dira.