Hiru neurketa jokatu zituzten atzo, martitzena, Bergara Hiria Pilota Txapelketaren barruan: Altuna-Erostarbe eta Ortiz-Hernandez (22-4); Irribarria-X. Imaz eta Larrañaga-Agirre (22-12); eta A. Muguruza-Telletxea eta Larrañaga-Peñas (5-22). Partidu motzak izan ziren hirurak: 26, 36 eta 35 minutu iraun zuten, hurrenez hurren.
Lehen partiduan, Altuna-Erostarbe bikotea Ortiz-Hernandez bikotea baino hobeto aritu zen. Bigarrenean, Irribarria izan zen izarra, beste maila batean dagoela erakutsiz, beste behin. Eta hirugarren partidua borrokatuagoa izatea aurreikusten zen arren, aldea nabarmena izan zen Larrañaga eta Peñasen alde; joko ona eginda, aise atera zuten partidua aurrera, aldiz, Muguruza nahiko motel ibili zen eta Telletxeak ere ez zuen bere maila eman.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.