Udalak eskainiko dituen diru-laguntzak hiru motatakoak izango dira: Alde batetik, Bergarako Udal Euskaltegitik kanpo euskara ikasten dutenek diru-laguntzak jasoko dituzte. Udal euskaltegian ikasten dutenek, laguntzak euskaltegian bertan izaten dituzte. Bestetik, Udako Euskal Unibertsitatean (UEUn) parte hartzen dutenentzako diru-laguntzak ere izango dira. Eta azkenik, hirugarren motako diru-laguntzak UNEDeko Idazle Eskolak antolatzen dituen modulu eta hitzaldietan parte hartzen duten bergararrentzat izango dira.
Bete beharreko dokumentuak eta informazio gehiago, udaleko webgunean aurki daitezke eta bestela 943 77 91 66 telefono zenbakira deituz.