Jardun Euskara Elkarteak urteko batzar orokorra egingo du egubakoitzean kultura etxean. Lehenengo deialdia 18:30ean izango da eta bigarrena, berriz, 19:00etan. Elkarteko bazkide guztiak daude deituta bileran parte hartzera. Besteak beste, elkarteko zuzendaritzaren zati bat berrituko dute bileran; bi lagun irten eta beste bi kide berri sartuko dira. Lehendakari berria ere izendatuko dute.
Egubakoitzeko batzar orokorraren ostean beraz, Itsaso Mendizabalek utzi egingo du lehendakari kargua, zuzendaritzan jarraituko duen arren.
Zuzendaritza berritzeaz gainera, 2012an burututako proiektuen gaineko azalpenak emango dituzte, eta baita balorazioa egin ere. Amaitzeko, 2013ko aurrekontua aurkeztuko dute, eta aurtengo ikasturtera begira dauden egitasmoen berri eman.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.