Egun bat gutxiago izango duen arren, pasa den urtean baino lau postu gehiago egongo dira aurten San Martin plazan, 22 guztira.
Janari eta edanari dagokionean jatorri ezberdinetako gutiziak probatzeko aukera izango da. Euskal Herritik bakarrik ez, Espainiatik ere etorriko dira saltzaileak. Besteak beste, Extremadura eta Leongo odol-hestebeteak, Galiziako likoreak eta jakiak eta Argentinako produktuak erosteko aukera izango da. Gozozaleendako ere eskaintza zabala egongo dela iragarri dute antolatzaileek; Euskal Herriko postre eta tarta ugari egongo dira.
Artisautza postuei dagokienean etxeko tresnak, narruzko artisautza eta denetariko osagarriak egongo dira ikusgai.
Olagarro saltzailea
Nola ez, Galiziatik etorritako olagarro saltzaileak ere ez du hutsik egingo aurtengo hitzordura. Arrakasta handien izaten duen postuetako bat da. Gauetan 00:00ak arte egongo da zabalik.