Bertan ageri dira elkarteak antolatutako zenbait ekintza. Kontuan hartzekoa da, gainontzeko elkarte gastronomikoekin gertatzen den moduan, Gure Ametsa ere horrela jaio zela, baina Serafin Esnaola apaizak, zenbait kideren laguntzarekin, danborrada, Napar feria... antolatu zituzten. Urteen poderioz, hitzordu horiek auzoko ohituren parte bihurtu dira.
Hango kultura batzordeko Patxi Uribesalgoren hitzetan, "elkarte bat ez litzateke afaltzeko toki bat bakarrik izan beharko", eta Gure Ametsaren kasuan, 40 urtetako ibilbide honetan behin eta berriro erakutsi duten zerbait da hori.
Canalejaseko hegazkina
1931. urtean Taapken diseinatzaile alemanak eraikitako Junkers hegazkina urteetan Canalejas taberna desagertuaren sabaian egon zen. Orain, berriz, Eugenio Perez, Roman Gonzalez eta Agustin Diezek egindako berritze lanen ostean, elkarteko sabaian egongo da, auzotar ugariren gazte denborak gogora ekarriz.
Elkartean ere, hegazkin bera agertzen den Simon Arrietaren koadro baten kopia ere jarri dute.
