Astetik astera Jaurlaritza berriko izendapen berriak ezagutzen ditugu eta kargu berrien artean bada debagoinedarrik ere. Azkena, Maria Elena Lete bergarar aparejadorea. Lurralde-antolamendu, Lurzoru eta Hirigintza zuzendari berria izango da Maria Elena Lete (Bergara, 1965), eta, hain justu ere, Ana Isabel Oregi (Eibar, 1965) Ingurumen eta Lurralde Politiketako sailburuaren agindupean jardungo du.
Letek, Gipuzkoako Foru Aldundian jardundakoa da, baina 1991tik Arrasateko Udalean dihardu, Hirigintza, Obrak eta Mantentze arloetan. Mantentze alorreko buru teknikoa izan da oraintsu arte. Urtarrilaren 21ean ekin zion ibilbide berriari Lakuan.
Orain arte, hortaz, Urkulluren Jaurlaritza berrian ariko diren hiru debagoiendarren berri izan dugu. Lehenago jakin dugu Aitor Urtzelai oñatiarraren izendapenaren berri eta Maria Ubarretxena arrasatearraren berri.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.