Bere ikuskizunari beste buelta bat eman eta gidoi berria –mokoloagoa– Zabalotegiko agertokian azaleratu zigun Arrietak. Umila eta emozioz beterikoa. Urduri zegoen Arrieta, eta aste barruan lo oso gutxi eginda zegoela ere aitortu zuen publikoaren aurrean. Polifazetikoa dugu eskoriatzarra: abeslaria, armonika eta ardar-jotzailea, barre eragilea, showman-a... etxean, edo edozein elkartetan afal ostea borobiltzen duen lagun horietakoa dugu. Urduri egon arren, berehala sentitu zen etxean moduan eta oso eroso. Aretoko lehen lerroan, etxekoak eta lagunak egon arren, bertaratutako ikusleekin hartu-emana eta feedback-a lortu zuen. Denak jarri zituen-eta abesten eta txaloka.
Goio Arrieta monologista dela esatea gutxi da. Haratago doa Bergarako "odol tantaren" bat duen eskoriatzarraren 'Sustraiak han dituenak' espektakulua. Elementu guztiak dauzkan ikuskizuna da: umorea, musika, imitazio-performance-a, monologoa... publikoari barre eragitea eta xaxatzea du helburu. Atzo, egubakoitza, Zabalotegin eskainitako emanaldian argi gertau zen.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak