Real Unionek merezi izan gabe eraman zituen hiru puntuak Agorrosindik (0-2)

Bergarak partidu gutxi galduko ditu atzo Real Unionen aurka jokatutako moduan jokatzen badu. Igarri zen irundarrak zergatik dauden sailkapeneko bigarren postuan, baina Bergarak gehiago merezi izan zuen. Nicasio Galan 'Neka'-ren mutilek ederto egin zuten presioa, baloi oro azkenera arte borrokatu zuten, baina ate aurrean larregi barkatu zutenez puntu barik geratu ziren atzokoan. Polemikarako tartea ere izan zen; marrazainak jokoz kanpoko bat 'asmatu' zuen banako berdinketa izan behar zena baliogabetuz. Azken jokaldian 0-2koa ezarri zuten irundarrek falta jaurtiketa bat maisuki amaitu ostean. Mahoneroek bide hau jarraitzen badute goiko postuetan amaituko dute denboraldia.