Gabonak gainean ditugu eta gero eta gutxiago falta da Gabonetako pilota txapelketarako. Zenbait berrikuntzarekin dator aurten, gainera. Normalean hil amaieran bukatu izan den arren, aurten hilaren 23an izango da finala, pilotaz gain, beste zenbait ekintza ere egingo direlako Gabonetan pilotalekuan. Bestalde, soilik neskez osatutako benjamin kategoria izango da, eskuz, lehenengoz. Paletan, alebin mailan, beste halako talde bat egongo da.