'Bertsolari' DVDa, produktu-izarretako bat azokan

Asier Altuna zinegile bergararraren Bertsolari DVDa produktu-izarra izan da Durangoko bi saltokitan: Lankurenean eta Eguzki Bideoenean, eta bi banatzaileak oso pozik daude DVDak izan duen harrerarekin. Asier Altunak Miren Amuritzarekin aurkeztu zuen ikus-entzunezkoa Irudienean, zapatuan, eta aretoa betetzea lortu zuten. Eguenean eta zapatuan ere, DVDak eta posterrak sinatzen ibili zen Altuna. Oro har, egileak eta banatzaileak pozik daude azokako emaitzarekin. Datorren astean ailegatuko da Bertsolari liburu-dendetara ere, eta banatzaileen webguneetatik ere salgai izango da.