Bergara Garbiak astelehenean, abenduaren 10ean, Bergarako Udaletxean egingo den "atez ateko sistemari buruzko Pleno Monografikora joateko deia" egin die bergarar guztiei. Hitzordua 19:30ean da. Plataformako arduradunen berbetan, "jasotako 4.961 bergararren sinaduren aldarrikapena egiteko modurik egokiena pleno horretara joatea da".
Osoko bilkuran "emango den informazioa aztertzeko eta atez ateren aurka dagoen jendearen ahotsa entzuteko aukera aproposa" dela ere azpimarratu du Bergara Garbiak. Hala, osokora joateko gonbidapenari oihartzuna ematen laguntzeko eskatu gura diete "lagun, familiarteko, dendari, eta oro har, bergarar guztiei".
Bosgarrenaren aldarrikapena
Horrez gainera, "atez ateko inposaketarik ez eta bosgarren edukiontziaren aldeko aldarrikapena" ere egin nahi dutela adierazi dute Bergara Garbia plataformatik.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.