Kirola eta euskara lotzen dituen bi esperientzia interesgarri aurkeztuko dira gaur Bergarako udaletxean, 19:00etan eta Udaleko Euskara zerbitzutik herritar guztiak gonbidatu dituzte bertara.
Alde batetik, Igor Arenazak eta Erik Vadillok Aretxabaletako Kirol elkartean hasi eta orain bailarako beste herrietara zabaltzen ari den proiektu bat aurkeztuko dute: Eskua proiektua, kirola errespetuarekin, euskararekin, ingurumenarekin... lotzen duena.
Bestetik, Bergarako Udaleko teknikariek Agorrosingo ikastaroen hizkuntza kudeaketa aurkeztuko dute.