Soraluce S.Coop. - 50. urteurrena delako DVDa aurkezteko ekitaldia Soraluzeko kiroldegian izango da, 19:30ean. Rafael Idigorasek, Soraluceko zuzendari gerenteak aurkeztuko du DVDa, eta horren emanaldia egingo dute. Joan den apirilean, Soraluceren urteurrena ospatzeko ekitaldien laburpena jasotzen du bideoak.
Gero, joan den astean, Alemaniako Limburg hirian Bimatec-Soraluce teknologia zentroa inauguratzeko ekitaldien laburpen-bideoa ere emango dute.
Bukatzeko, Lino Alberdik, Soraluceko Kontseilu Errektoreko lehendakariak, DVDa banatuko du.
Txurruka jatetxeko pintxoekin eta Villarrica upategiko ardoarekin bukatuko dute ekitaldia.