Kexa hori jaso ostean Udala kiroletako arduradun teknikariarekin harremanetan ipini zen eta eskatu zion egin beharreko aldaketak egiteko. Udalak uste du abesti sexista horiek erabiltzea Udalak onartuta duen Emakumeen eta Gizonen Berdintasunerako I. Planean jasotzen diren helburuetako baten kontra doala. Hain justu ere, "kanpo eta barne komunikazio ez sexista bermatzea, hizkuntza eta irudi bidezkoa, euskaraz zein gaztelaniaz".
Bada Udalak beste kexa bat jaso du duela gutxi "aurreko ikasturtean aipatutako birgogoratzeko" eta spinning eskolek "berdin" jarraitzen dutela esanez.
Irakasleekin bilerak
Udal Gobernuko ordezkariek adierazi dute spinning eskolak ematen dituzten irakasleekin bilduko direla eta elkarrekin abestien errepertorio bat osatzen ahaleginduko direla, abestiak sexistak izan ez daitezen eta euskarazko abestiak ere erabili daitezen spinning eskoletan.